"INFORMANDO DESDE CERVANTES": mayo 2019

viernes, 10 de mayo de 2019

A MAR DE CIENCIA

O Consello Superior de Investigaciones Científicas (CSIC) convoca o concurso A mar de ciencia

A mar de ciencia é un certame de debuxo, vídeo e relato de ámbito nacional que se dirixe nesta terceira edición ao público infantil e xuvenil, involucrando tamén a centros educativos, docentes e familias.

O obxectivo principal é fomentar a educación ambiental mariña e a cultura oceánica e tamén poñer en valor o papel da ciencia na conservación dos océanos.

Os gañadores converteranse en oceanógrafos por un día. Viaxarán cun acompañante maior de idade ás Illes Balears para coñecer a investigación que realizan os centros do CSIC en Mallorca, participar nunha campaña oceanográfica do SOCIB e visitar o Parque Nacional Marítimo-Terrestre do Arquipélago de Cabrera. Por outra banda, as clases que presenten os mellores vídeos serán premiadas cunha lousa dixital.

A temática do certame é a ciencia e o mar. Os debuxos, vídeos e relatos deberán estar relacionados coa visión, a percepción ou o coñecemento que os estudantes teñen da ciencia en xeral e das ciencias mariñas e da oceanografía en particular. Estes son algúns dos temas propostos:
- Mares limpos. Cambia a marea do plástico.
- Como crees que a ciencia pode axudar a conservar os nosos mares?
- Eu de maior quero ser oceanógrafo.
- Que sabes do Mediterráneo?
- O mar e eu.

Establécense tres modalidades de participación individual: debuxo, vídeo e relato e unha modalidade grupal: vídeo de clase. Os traballos poderán presentarse en: castelán, catalán, galego, eúscaro e inglés.

Prazo de presentación: ata o 21 de maio de 2019 ás 23:00 horas (hora peninsular).

a participación é gratuíta e está aberta a estudantes de Educación Infantil, Educación Primaria e Secundaria, Bacharelato, Ciclos Formativos e Educación Especial de todas as comunidades autónomas do Estado Español.
- Categoría I: infantil (5-11 anos).
- Categoría II: xuvenil (12-17 anos).

MÁIS INFORMACIÓN EN: http://www.lamardeciencia.es/es

Premio "Jóvenes máshumano"

08 Mai 2019

O Premio "Jóvenes máshumano" é unha iniciativa da Fundación máshumano cuxo obxectivo principal é fomentar e apoiar o Talento Socialmente Responsable da mocidade.

Máshumano lanza este premio en colaboración co INJUVE a través dunha convocatoria pública aberta para a mocidade de idades comprendidas entre 14 e 30 anos que, co seu talento, capacidade de innovación e creatividade, desenvolvan solucións aos retos expostos en cada convocatoria, a través de proxectos viables e sustentables que respondan as demandas reais de empresas e entidades máis humanas.

Admitiranse todo tipo de iniciativas que acheguen melloras nas organizacións e a sociedade: produtos sustentables que cubran necesidades sociais ou ambientais, iniciativas de emprendemento social, ferramentas para a mellora da calidade de vida de persoas con capacidades diferentes, etc.

Esta convocatoria ten por obxecto a selección de proxectos empresariais para o seu mentorización, formación e presentación no evento final, que se celebrará en novembro de 2019 en Madrid.

Os proxectos seleccionaranse en función de diversos criterios, tales como: o carácter innovador da proposta, viabilidade económica, escalabilidade e políticas de responsabilidade social corporativa aplicadas a toda a cadea de produción da empresa ou entidade.

Os proxectos deberán atoparse como mínimo en fase de prototipado (produto mínimo viable ou equivalente) e baseados en dar solucións aos retos expostos en cada unha das categorías.

Establécense as seguintes categorías de participación:
- Premio Especial O Corte Inglés á innovación ao servizo do retail: Ideas e proxectos enfocados a innovar no sector do retail (produtos sustentables, produtos ou servizos que cubran necesidades sociais, ideas de negocio responsables no retail...).
- Premio Especial Bankinter á mellor solución para a integración e mellora do benestar das persoas con capacidades diferentes: Aplicacións e ferramentas destinadas a mellorar a calidade de vida e a integración de persoas con capacidades diferentes (apps accesibles, saúde e benestar, deseño de espazos...).
- Premio especial Fundación máshumano á innovación social: Ideas e proxectos enfocados a innovar no sector social (emprendemento social, voluntariado corporativo, empresas socialmente responsables...).

O prazo de presentación estará aberto ata o 30 de xuño de 2019 ás 24:00 h.

Máis información en https://premiomashumano.com/

Cursos de verán da Universidade Internacional Menéndez Pelayo e bolsas para participar

07 Mai 2019

A Universidade Internacional Menéndez Pelayo convoca os cursos de verán 2019 e bolsas completas e bolsas de matrícula para a asistencia a estas actividades académicas que se celebrarán nas sedes da Universidade Internacional Menéndez Pelayo durante o ano 2019.

Bolsa completa. Inclúe o aloxamento e manutención nas instalacións da Universidade Internacional Menéndez Pelayo ou noutras residencias concertadas e a matrícula gratuíta ao curso ou seminario que se solicite.
Bolsa de matrícula. A bolsa de matrícula comporta, exclusivamente, a exención do pago da matrícula no curso ou seminario solicitado polo alumno.

Requisitos:
- Estar matriculado no curso académico 2018/2019 ou 2019/2020 nos estudos oficiais conducentes á obtención dun título de Grao, Máster ou Doutor nunha Universidade española ou do EEES.
- ter finalizado con anterioridad al curso académico 2018/2019 cualquiera de los estudios oficiales Os solicitantes deberán acreditar unha nota media no seu expediente académico igual ou superior a 6 sobre base 10.

Prazo de solicitude das bolsas: pendientes de publicación na web da UIMP, http://www.uimp.es/actividades-academicas.html
As solicitudes de bolsas cursaranse telemáticamente a través da páxina web da Universidade

http://www.uimp.es/actividades-academicas.html

Prazas de aloxamento nas residencias da USC

06 Mai 2019

A Universidade de Santiago de Compostela convoca prazas de aloxamento para o curso académico 2019-2010.

O número total de prazas que se ofertan nesta convocatoria é de 1071.

A Universidade proporciona aloxamento ó estudiantado e demais membros da comunidade universitaria, así como a outras persoas que, aínda que non pertenzan a esta Universidade, participen nas actividades organizadas por ela. Para apoiar isto a Vicerreitoría de Estudantes e Formación Continua, no primeiro trimestre de cada curso académico, convoca e adxudica bolsas de colaboración (biblioteca, informática, socioculturais, deportivas, etc.), ás que poden acceder residentes e colexiais.

Requisitos: estudantado de readmisión e de nova admisión de grao, de 1º, 2º Ciclo, de másteres universitarios oficiais, de programas de doutoramento, de cursos de posgrao propios, e investigadores en formación.

Campus de Santiago de Compostela:
Colexio Maior Fonseca. Tfno.: 881 814 376
Colexio Maior Rodríguez Cadarso. Tfno.: 881 814 354
Colexio Maior San Clemente. Tfno.: 881 814 312
Residencia Universitaria Burgo das Nacións. Tfno.: 881 811 952
Residencia Universitaria Monte da Condesa. Tfno.: 881 813 531

Campus de Lugo:
Residencia Universitaria Jesús Bal y Gay. Tfno: 982 824 300/301/302

Prazos: Ata ás 14:00 do 28 de xuño de 2019.

Solicitude: http://www.usc.es/gl/servizos/sur/convocatorias.html

Máis información no Servizo de Axudas e Servizos ao Alumnado, tfno.: 881 814 574/582. http://www.usc.es/sur

INMERSIÓN LINGUÍSTICA PARA O VERÁN 2019

O Ministerio de Educación convoca 500 axudas para a participación nunha das colonias de dúas semanas de duración, organizadas durante o mes de xullo de 2019 nalgunha localidade de España, para alumnos de 1º e 2º da ESO.

Requisitos:

a. Estar matriculado en centros sostidos con fondos públicos durante o presente curso 2018/2019.
b. Obter, como mínimo, notable (7) como nota media do curso 2017/2018.
c. Obter, como mínimo, notable (7) como nota final na materia de inglés no curso 2017/2018.
d. Non ser beneficiario da axuda en convocatorias anteriores.
e. Os alumnos con necesidade específica de apoio educativo poderán optar desde o "aprobado" (5).

Estas axudas distribúense en dous grupos:

Primeira quenda para alumnos de 1º da ESO: do 7 ao 20 de xullo de 2019

Segunda quenda para alumnos de 2º da ESO: do 21 ao 3 de agosto de 2019

O prazo para presentar solicitudes estará aberto ata o 22 de maio de 2019.

Máis información no BOE do 26 de abril de 2019 e en http://www.mecd.gob.es/servicios-al-ciudadano-mecd/catalogo/educacion/estudiantes/becas-ayudas/extraescolares.html

Viaxes solidarias da Asociación "Viento Norte Sur"

09 Mai 2019

A Asociación "Viento Norte Sur", Punto de Información Xuvenil da Rexión de Murcia convoca as seguintes viaxes e actividades para este verán:

Viaxes solidarias

Viaxe solidaria a favor do orfanato Essaouira Darna - Marrocos. Quenda I: 20-27 Xullo. Quenda II: 3-10 Agosto.
Senegal: apoio a nenos/as Talibés. Quendas: 16 - 26 de xullo
Senegal: Convivencia entreculturas. Quendas: 3 - 13 de agosto

Actividades

Campamentos Viejóvenes +30: Menorca e Formentera. Liña de actividades ata 36 anos. A convocatoria está aberta a mozas e mozos de toda España.
Formentera: do 7 ao 14 de agosto de 2019.
Menorca: 20 - 29 de xullo e do 17 ao 26 de agosto.
Requisitos: Poden inscribirse todas aquelas persoas maiores de 18. Os menores poderán ir acompañados dun dos seus pais ou titor/a legal.

Máis información: https://www.vientonortesur.org/campamentos-viejovenes/

Sortean unha praza para unha viaxe solidaria a Marrocos ou para o campamento de Menorca.
Para participar no sorteo: https://www.facebook.com/vientonortesur.org/photos/a.1527630600811622/2292573947650613/?type=3&theater

PIJ Viento Norte Sur
www.vientonortesur.org

ACTOS EN CONMEMORACIÓN DO DÍA DAS LETRAS GALEGAS NA EGAP.

Actos en conmemoración do Día das Letras Galegas na EGAP

07 Mai 2019

A Real Academia Galega dedícalle o Día das Letras Galegas de 2019 ao escritor, historiador e antropólogo Antón Fraguas Fraguas (1905-1999).
A Escola Galega de Administración Pública (EGAP) organiza un acto literario, seguido da inauguración dunha mostra de arte, así como dunha viaxe de interese cultural.

No acto literario e posterior inauguración da mostra de arte poderá participar calquera persoa interesada. Á viaxe cultural terá acceso só o persoal empregado público ao servizo de calquera das administracións públicas de Galicia.

O día 15 de maio, ás 12.30 horas, no salón de actos da EGAP, celebrarase un acto literario en que a música Sonsoles Penadique e a contacontos Verónica Rilo interpretarán unha obra en homenaxe ao autor. Ao finalizar o acto, entregaranse os premios do concurso de literatura infantil e xuvenil do Día das Letras Galegas e inaugurarase a Mostra de Arte das Letras Galegas, na cal persoal empregado público da Administración autonómica exhibirá na sede da EGAP, ata o vindeiro 15 de xuño, as súas creacións artísticas.

O día 17 de maio terá lugar unha viaxe de interese cultural polos escenarios onde transcorreu unha boa parte da vida do autor agasallado. O programa e o percorrido poderanse consultar na páxina web da EGAP (https://egap.xunta.gal/).

As persoas interesadas en participar no acto literario deberán formalizar a súa inscrición a través da área de matrícula da web da EGAP (https://egap.xunta.gal/matricula/).
O prazo estará aberto ata as 23.00 horas do día 13 de maio de 2019.

Poderase obter calquera outra información, das 8.30 ás 14.30 horas, nos teléfonos 981 54 62 41 e 981 54 62 39

AXUDAS PARA A MOCIDADE GANDEIRA DE LUGO

AXUDAS PARA A MOCIDADE GANDEIRA

A Deputación de Lugo convoca axudas económicas destinadas aos titulares de explotacións agrícolas e/ou gandeiras da provincia de Lugo para a incorporación de terras á superficie produtiva.

O prazo para presentar solicitudes estará aberto ata o 7 de xuño de 2019.

Máis información no BOP de Lugo do 9 de maio de 2019 e en http://www.deputacionlugo.gal/gl/temas/cooperacion_concellos/plans_especiais/2019

Dúas prazas en Italia no Corpo de Solidariedade Europeo

09 Mai 2019

A Oficina de inforamción Xuvenil de Ribadavia. OMIX, busca dúas persoas participantes para un Corpo de Solidariedade Europeo (CSE) nas actividades propostas nos 5 centros de día cos que conta a cooperativa social Stranaidea en Italia.

O Corpo Europeo de Solidaridade ven a substituir o que anteriormente se coñecía como Servizo de Voluntariado Europeo.

O lugar de realización será en Turín, en Italia do 06/09/2019 ao 30/08/2020.

O proxecto consiste en colaborar con diferentes tipos de persoas, as actividades a realizar serán:
- Actividades deportivas, musicais, de socialización, artesanía, etc, con rapaces/as e adultos con discapacidade en centros sciais.
- Actividades con meniños/as de 0-3 é 4-6 anos en escolas infantís.
- Proxectos de teatro social e comunitario cá comunidade local (xuventude, adultos, persoas con discapacidade, etc.
- Actividades con persoas en risco de exclusión social (xardinería, cociña, pintura, limpieza, etc.)

O prazo de solicitude estará aberto ata o 18 de Maio.

Para máis información: omix.ribadavia@gmail.com
www.omixribadavia.wordpress.com
Teléfono: 988 477 101